早前有個九唔搭八夢幾奇怪
男主角不知道是誰，睡醒已很迷糊

場景是在沙發上，不知誰家，我依偎著他發呆

男：我前排係instagram 識左個女仔
我：跟住呢？咩id?
男：（篤電話搵個女仔）我約左佢出黎食飯

個名叫 龍~佼~佼~ 。
相呢，幾重口味，金髮濃妝肥妹，
張張相都露幾吋事業線。

男：佢原來係我公司附近間（七仔定cafe之類，忘了）度做架
我：咁點呀？
男：得閒去幫襯下囉，幾索架，話唔定可以~嘿嘿嘿
我：嗯（os:乜咁重口味！）佢個名咁奇，你點叫佢架？佼佼？
男：下（指電話）咪叫佢龍~姣~姣~囉
我：！！（真係變左個姣字）乜名黎架！
男：好可愛呢？
我：！！！（十級驚嚇唔知講咩好）（睇幾頁都係豬一件）
男：好想快啲再見佢呀~（心）

我：er..真係有咁索咩？
男：唔~幾靚架我覺得。
我：咁。我靚啲定佢靚啲？（唔知點解問得出口？）
男：咁你靚好多！

鬆一口氣，雖然唔知佢咩審美眼光…
但總唔可以醜過豬囉…

＜到底我同呢個重口味男咩關係？＞
＜回想夢境困擾了半天，會依偎，
又怎會說這些奇怪事？＞

＜隔天才憶起那女的樣貌是勇者鬥恐龍post見到的，算惡夢嗎？＞